Баян-Өлгий аймгийн Онцгой комиссын XII хуралдаанаар аймгийн төв болон сумын төвүүдэд орох, гарах хөдөлгөөнийг хязгаарласан шийдвэрийг энэ сарын 26-ны өдөр хүртэл сунгажээ.
Мөн аймгийн Онцгой комиссын өнөөдрийн хуралдаанаар Наурызын баяр буюу III сарын 22-ны өдөр аймгийн төвд хүнс болон малын зах зэрэг хүмүүс олноор цугларах газруудын үйл ажиллагааг зогсоож, тухайн өдөр өглөөний 10:00 цагаас оройн 20:00 цаг хүртэл Өлгий хот дотор тээврийн хэрэгслийн хөдөлгөөнийг хязгаарлах шийдвэр гаргасан байна.