“Намрын ногоон өдрүүд-2019″ хүнсний ногооны үзэсгэлэн худалдаа хоёр дахь жилдээ Барилгачдын төв талбайд нээлтээ хийжээ. Химийн бордоогүй, эрүүл хөрсөнд ургасан эко бүтээгдэхүүний үзэсгэлэн худалдаа энэ сарын 27-ныг хүртэл үргэлжлэх юм.
Мөн Баянзүрх дүүргийн Засаг даргын Тамгын газраас тариалан эрхлэгчдээ дэмжих, иргэдээ эх орны хөрсөнд ургасан эрүүл, хямд хүнсээр хангах зорилтын хүрээнд жил бүр зохион байгуулдаг үзэсгэлэн худалдааг “Скай” их дэлгүүрийн гадна талбайд нээгджээ. Үзэсгэлэн худалдаанд Дархан, Сэлэнгэ, Хөвсгөлийн тариаланчид оролцож байгаа аж.