Налайх дүүрэгт коронавирусийн халдварын сэжигтэй тохиолдол илэрч, дүүргийн нэгдсэн эмнэлэгт хөл хорио тогтоожээ. Сэжигтэй тохиолдлын PCR шинжилгээний хариу маргааш гарах бөгөөд тэр болтол эмнэлэгт хөл хорио тогтоож байгаа аж.
Албан бус эх сурвалжийн мэдээлснээр уг хүн нь батлагдаад ХӨСҮТ-д эмчлүүлж буй нэг иргэний ойрын хавьтал буюу төрсөн өдөрт оролцсон иргэн аж.
Өнөөдрийн байдлаар Улаанбаатарт 84 тохиолдол батлагдаад буй. Тодруулбал,
- Баянгол дүүргийн 1, 2, 3, 4, 6, 7, 9, 10, 18 хороодоос нийт 23 тохиолдол,
- Баянзүрх дүүргийн 4, 10, 14, 15, 22 хороодоос нийт 25 тохиолдол,
- Сонгинохайрхан дүүргийн 7, 16, 19 хороодоос 13 тохиолдол,
- Сүхбаатар дүүргийн 12, 13, 16, 18 хороодоос нийт 12,
- Чингэлтэй дүүргийн 19 дүгээр хорооноос 1,
- Хан-Уул дүүргийн 10, 16, 21 хороодоос 9 тохиолдол,
- Багануур дүүргийн 4 дүгээр хорооноос 1 тохиолдол бүртгэгдээд байна.