Үндэсний их баяр наадмаар хэлт хална гэж Ус цаг уур, орчны шинжилгээний газраас анхааруулж байна.
Наадмын эхний хоёр өдөр халуун байх нь. Өдөртөө 30-35 хэм хүрэх аж. Төвийн бүс нутгаар 32-36 хэм, говь, зүүн аймгуудын нутгаар долдугаар сарын 10-нд баруун аймгуудын нутгаар, 11-нд нутгийн төв, баруун хэсгээр, 12-13-нд Монгол орны нутгийн зүүн хагаст хална. Өдөртөө 32-37 хэм, шөнө 17-20 хэм халуун байна. Бусад нутгаар өдөртөө 25-30 халуун, шөнөдөө 11-16 хэм дулаан байх төлөв гарчээ. Гэхдээ их халууны хажуугаар бороо ч орох юм байна. Долдугаар сарын 11-нд баруун зүгийн нутгийн баруун хэсгээр, 12-нд баруун аймгуудын ихэнх нутгаар, төвийн бүсийн баруун хэсгээр, 13-нд Монгол орны ихэнх нутгаар, 14-15-нд Монголын нутгийн зүүн хагаст бороо орж, сэрүүснэ. Төвийн нутгаар 13-наас, 16-ныг хүртэл ихэнх нутгаар бага зэрэг сэрүүсэж, уулархаг бүс нутгаар шөнөдөө 3-8 хэм, өдөртөө 16-21 хэм, говийн нутгаар шөнөдөө 14-19 хэм дулаан, өдөртөө 26-31 хэм халуун байх нь. Бусад нутгаар шөнөдөө 9-14 хэм дулаан хонож, өдөртөө 22-27 хэм дулаан байх төлөвтэй байгаа аж. Баяр наадмын сүүлийн өдрүүдэд ихэнх нутгаар бороо орох нь ээ. Ялангуяа төвийн бүс нутаг, уулархаг нутгаар хур тунадас ахиу хэмжээтэй орох магадлал байгаа учир үер усны аюулаас онцгой сэрэмжлэхийг Ус цаг уур, орчны шинжилгээний газраас анхааруулж байна.