Үндэсний их баяр наадам, Ардын хувьсгалын ойн баярын өдрийг тохиолдуулан Засгийн газар хоорондын гэрээ, хэлэлцээрүүдээр тохирсны дагуу Монгол-Орос, Монгол-Хятадын хилийн боомтууд амарна.
Монгол-Оросын хилийн боомт (Монгол Улс, ОХУ-ын Хилийн бүрэн эрхт төлөөлөгчдийн уулзалтаар тохиролцсоны дагуу):
Цагааннуур-Ташанта боомт долдугаар сарын 11-15-ны өдөр
Тэс-Шар суурь боомт долдугаар сарын 11-13–ны өдөр
Ханх-Монд боомт долдугаар сарын 10-13-ны өдөр
Ульхан-Дээд ульхан боомт долдугаар сарын 10-13-ны өдөр
Боршоо-Хандгайт боомт долдугаар сарын 10-13-ны өдөр
Арцсуурь-Цагаантолгой боомт долдугаар сарын 10-13-ны өдөр тус тус амарна.
Харин олон улсын авто замын Алтанбулаг-Хиагт, Эрээнцав-Соловьевск, төмөр замын Сүхбаатар-Наушки, Эрээнцав-Соловьевск боомтууд хуваарийн дагуу ажиллана.
Монгол-Хятадын хилийн боомт (Монгол, Хятадын хилийн боомт, тэдгээрийн дэглэмийн тухай хоёр улсын Засгийн газар хоорондын 2004 оны хэлэлцээрийн хүрээнд):
Монгол, Хятадын хилийн автозамын боомтууд 2017 оны долдугаар сарын 11-15-ны өдөр амарна. Олон улсын галт тэрэг болон нисэх онгоц хуваарийн дагуу зорчино.