Архангай аймагт болж буй мөсний шагайн 16 дахь удаагийн улсын аваргын тэмцээний аваргууд тодров. Талын харваанд Архангай аймгийн Эрдэнэбулган сумын уугуул Д.Алтанхуяг, Б.Цэрэнлонжид нар тэргүүлсэн байна. Харин цуваа харваанд Архангай Цэнхэр сумын харваач Н.Дашлхүндэв тэргүүлэв. Тэрээр мөн мөсний шагайн харвааны улсын мэргэн цолны болзлыг хангажээ.
Улсын аварга шалгаруулах тэмцээнийг нүүдэлчдийн өвлийн наадмыг сэргээн хөгжүүлэх, харваачдын залгамж үеийг бэлтгэх зорилгоор зохион байгуулдаг байна. Мөсний шагайн харваа нь орчин үед үндэсний спортын түвшинд хөгжиж байгаа юм.
О.НЯМСҮРЭН