Энэтхэгийн алдартай жүжигчин, нэртэй улстөрч Жаярам Жаялалита 68 насандөө энэ сарын 5-ны шөнө өөд болжээ. Тэрбээр Тамилнад мужийн эмэгтэйчүүдийн байдлыг сайжруулан өөд татаж чадсанаараа ихээхэн алдартай болсон юм.
Жаярам Жаялалитагийн дурсгалд Тамилнад мужид долоо хоногийн гашуудал зарласан ба энэ үеэр Төрийн далбааг буулгахаар шийджээ. Энэ эмэгтэй Тамилнад мужийн тэргүүн сайдаар дөрвөн удаа сонгогдож байлаа. Жаярам Жаялалита нь улс төрөөс өмнө Энэтхэгийн киноны алдартай жүжигчин байжээ.
Ард иргэд нь түүний төлөө гашуудан буй дүр зураг өнөөдрийн гадаад мэдээний сувгуудын нүүрийг дүүргээд байна. Улс төрчдөөс тус улсын ерөнхий сайд Нарендра Моди хамгийн түрүүнд оршуулах ёслолд иржээ.
О.ӨНӨР