2016 оны мөсний шагайн харваа анд харваагаар өнөөдөр эхэллээ. Энэхүү наадамд нийт 40 орчим багийн тамирчид, 100 метрийн харваанд цэц мэргэнээ сорьж байна.
Уламжлалт мөсний шагайн харвааг сэргээн хөгжүүлэн дэлгэрүүлэх, харваачдын залгамж үеийг бэлтгэх, материаллаг орчинг бэхжүүлэх, өргөн хүрээнд сурталчлан олон түмнийг хамруулан спортын нэгэн төрөл болгон цаашид төгөлдөржин хөгжих үндэс, нөхцөлийг бий болгоход тэмцээний зорилго оршино. Мөсний шагайн харваа нь зөвхөн үндэсний спортын төрөл бус Монгол үндэстний оюуны гайхамшигт сэтгэлгээ, ахуйн болон зан үйлийн гүн гүнзгий утга бүхий соёлын биет болон биет бус нандин өв, уламжлал хадгалагдаж байдаг бөгөөд үндэсний наадгай мөсний шагайг өргөжүүлэн хөгжүүлэх сонирхолтой сум орон нутаг, ард иргэдтэй талархан хамтранажиллах болно гэж Монголын Үндэсний мөсний шагайн холбооноос мэдээлэв.