ЖДҮХС-гаас зээл авсан нэр бүхий албан тушаалтнуудын нэрс тодорсоор байгаа. Тэгвэл Цагдаагийн ерөнхий газрын дэргэдэх Мөрдөн байцаах албаны ахлах мэргэжилтэн Б.Гэрэлмаа мөн энэ жагсаалтанд бичигджээ. Тэрээр “Жаргалант Харвест” ХХК-аар дамжуулан ЖДҮХС-гаас 1 тэрбум 200 сая төгрөгийн зээлийг авчээ. Тэрээр 2017 оны гуравдугаар сард уг албан тушаалд очсон бөгөөд уг зээлийг 2018 оны зургадугаар сард авсан байна.
