МҮХАҮТ манай улсын хамгийн том, хамгийн олон буюу 3500 бизнес эрхлэгчийг эгнээндээ нэгтгэсэн ТББ юм. Энэ байгууллагын бүх гишүүний ээлжит их хурал энэ сарын 28-нд СТӨ-нд болох гэж байна. Хурлаар танхимыг ирэх дөрвөн жилд удирдах Ерөнхийлөгчийг 800 төлөөлөгчийн нээлттэй саналаар сонгох аж.
Дөрвөн жилийн өмнөх их хуралд Б.Лхагважав, UFC группийн Ерөнхийлөгч О.Амартүвшин нар өрсөлдөж байсан билээ. Энэ удаад МҮХАҮТ-ын Ерөнхийлөгч Б.Лхагважав, “Ард” санхүүгийн нэгдлийн гүйцэтгэх захирал Ч.Ганхуяг өрсөлдөх юм байна. Нэр дэвшигчдийн нэрс энэ сарын 26-нд албан ёсоор тодорхой болох ажээ.