МҮИС болон Чусонь Их Сургуулийн хамтран хэрэгжүүлж буй “Тэргүүлэх их сургууль бэлтгэх олон улсын хамтын ажиллагаа төсөл”-өөс Ким Жинь Хый өнгөрсөн 4-р сарын 26-ны өдөр МҮИС-д Сувилахуйн мэргэжлийн сурах бичгийн нээлт болон урчадварын танхим, лекцийн танхимын нээлтийн үйл ажиллагааг амжилттай зохион байгууллаа.
Энэхүү үйл ажиллагаа нь 2017 оноос эхэлсэн БНСУ-ын Боловсролын Яам болон Солонгосын судалгааны хүрээлэнгийн дэмжлэгтэйгээр явагдаж буй “Тэргүүлэх их сургууль бэлтгэх олон улсын хамтын ажиллагаа төсөл”-ийн нэг хэсэг болох Монголын сувилахуйн боловсролын хөгжилд хувь нэмэр оруулах үүднээс зохион гаргасан мэргэжлийн сурах бичгийг танилцуулах, сурагчдийн сургалтын орчинг сайжруулах үүднээс лекц болон ур чадварын танхимыг танилцуулах зорилгоор зохион байгуулагдав.
Нээлтийн үйл ажиллагаанд БНСУ-аас Монгол Улсад суугаа элчин сайд Жон Жэ Нам, УИХ-ын гишүүн Д. Тэрбишдагва, БСШУЯ-ны Олон улсын төсөл, хөтөлбөр, гадаад хамтын ажиллагааны Газрын дарга Т.Ууганбаяр, Боловсролын бодлого зохицуулалтын газрын дарга Б.Амаржаргал, дээд боловсролын бодлогын газрын дарга Ш.Баяр, МҮИС-ийн ерөнхий захирал Л.Мөнхбат, МҮИС-ийн захирал Б.Дашдолгор, Монголын Сувилагчдын Нийгэмлэгийн холбогдох албан тушаалтан зэрэг нийт 100 орчим хүн оролцов.
Онцгойлон энэ удаагийн хэвлүүлэн гаргасан 6 ном (Сувилахуйн үндэс 1, Сувилахуйн үндэс 1 хичээлээр дадлага хийх оюутны хөтөч, Сувилахуйн ёс зүй, Хавдартай өвчтөний сувилахуй, Сувилахуйн үндэс 2, Эрүүл мэндийн үнэлгээ хичээлээр дадлага хийх оюутны хөтөч) нь БНСУ-ын сувилахуйн профессорууд бичиж Монгол хэлрүү хөрвүүлэгдэн Монгол дахь сувилахуйн салбарын багш профессорууд хянасаны үр дүнд бүтсэн бүтээл юм.
Мэргэжлийн сурах бичгийн нээлтэн дээр төслийн ахлагч Ким Жинь Хый “Энэ удаагийн мэргэжлийн сурах бичиг гаргах хөтөлбөрөөр дамжуулан хэвлэгдсэн Сувилахуйн мэргэжлийн сурах бичиг маань сувилахуйн сургалтанд өргөнөөр хэрэглэгдэж, МҮИС-ийн сувилахуйн сургалт болон цаашлаад Монголын сувилахуйн сургалтын суурь нь болоосой хэмээн хүсэж байна.” хэмээн өөрийн сэтгэгдлээсээхуваалцлаа.
“Тэргүүлэх их сургууль бэлтгэх олон улсын хамтын ажиллагаа төсөл” нь БНСУ-ын сургуулийн нөөц бололцоо, дэмжлэгийг бүрэн ашиглаж хамтын ажиллагаатай их сургуульд шаардлагатай тэнхимийг байгуулах болон сургалтын үйл ажиллагааг нь чадваржуулах, байрлаж буй нутаг дэвсгэрийг хөгжүүлэх хөтөлбөрийг дэмждэг төсөл бөгөөд дотоодын их дээд сургуулийн систем, нөөц бололцоо, туршлага зэргийг хөгжиж буй орны их сургуулиудад нэвтрүүлж, их сургуулиудын сургалтыг сайжруулах, Солонгос хэв маягийн Олон улсын хамтын ажиллагаа моделыг дэлгэрүүлэх, түгээх зорилгоор хэрэгжүүлж буй төсөл юм.
Чусонь Их Сургуулийн “Тэргүүлэх их сургууль бэлтгэх олон улсын хамтын ажиллагаа төсөл” нь өнгөрсөн 2 жилийн хугацаанд МҮИС-ийн Сувилахуйн тэнхимыг хөгжүүлхийн тулд “Үр дүн суурилсан сургалтын хөтөлбөр”-ийг хөгжүүлэн, хэрэгжүүлж байгаа ба энэ жилийн төсөл хэрэгжилтийн явцыг үнэлэх хурлаас “Хамгийн сайн” үнэлгээг авч, 3 дах жилдээ явж байна.
