“Монтел” орчмын явган хүний замыг чөлөөлж байна

Нийслэлийн хэмжээнд хэрэгжиж буй “Явган хүний зам” аян амжилттай үргэлжилж байна.
Нийслэлийн газрын албанаас Чингэлтэй дүүргийн 1-р хороо, Жигжиджавын гудамж, “Монголын цахилгаан холбоо” ХК-ийн эзэмшил барилга буюу “Монтел”-ийн урд байрлах явган хүний зам талбайд баригдсан зөвшөөрөлгүй өргөтгөлүүдийг буулгаж, газар чөлөөлөлтийн ажлыг эхлүүлжээ. Энэ хавьд гар утас худалдан борлуулдаг хэсгүүд олон болж, зөвшөөрөлгүйгээр өргөтгөл хийсэн нь олон. Тэд бүгд нийтийн эзэмшлийн зам талбайд саад учруулж, явган хүний зорчих хэсгийг хаасан байгаа учраас ийнхүү чөлөөлж байна.