МАН-ын хэсэг залуусаар удирдуулсан “Монголоо аваръя” хөдөлгөөнийхөн өнөөдөр уриа, лоозон барьж жагсаал зохион байгууллаа. Ингэхдээ тэд хүүхдүүдболон ахмадуудыг жагсаалдаа хамруулсан байна. Мөн жагсаалд оролцогчдын 90 хувь нь оюутан байжээ. Тэд эрх баригчдаас “Нэг монгол хүнд хэдэн төгрөгийн өр ногдож байна вэ, Монголчууд хэзээ нийтээрээ ажилтай болж, ядуурлаас гарах вэ, Монголчууд хэзээ Монголдоо хүн шиг сайхан амьдрах вэ” гэдэг асуултын хариултыг шаардсан юм. Тэдний жагсаал 300 саяын өртөгтэй гэх яриа цахим ертөнцөөр тарсан юм. Жагсаалд оролцсон оюутан, залууст 10-20 мянган төгрөг өгсөн гэх мэдээлэл ч гарсан байна.
