Монголын Урчуудын Эвлэлийн хорооны 16 дугаар их хурал Соёл Урлагийн Их Сургуулийн “Оюутны театр”-ын танхимд амжилттай зохион байгуулагдаж өндөрлөлөө. Их хурлаар тус хорооны дарга, удирдах болон хяналтын зөвлөлийн гишүүдийг шинээр сонгосон байна. Хорооны даргад таван уран бүтээлч өрсөлдсөнөөс 2014 оноос хойш тус хорооны даргаар ажиллаж байгаа Бадарчийн Төмөрбаатар улиран сонгогджээ.
Энэ онд Монголын урчуудын эвлэлийн түүхт 75 жилийн ой энэ жил тохионо. Тиймээс уг их хурлаар зураач урчууд ирэх дөрвөн жил ажлынхаа төлөвлөгөөг хэлэлцэж, хорооныхоо дүрмийг шинэчлэн баталсан байна.