Берлин хотноо амьдардаг зураач Ц.Цацрал Монголын анхны үнэртэй усыг хийж, зах зээлд нийлүүлж эхэлжээ. Зураач бүсгүй “Цас чихэр”, “Шамбалын орон”, “Үүрийн цолмон” нэртэй гурван сүрчгээ тус бүр 500 ширхэг үйлдвэрлэж, Монгол болон Германы зах зээл дээр гаргаад байна. Хуучин монгол бичиг бүхий энэхүү сүрчгийг европчууд ихэд сонирхож байгаа ажээ.
Сонирхуулахад,”Цас чихэр” сүрчиг нь дөнгөж орсон цасны сэргэг, сэрүүхэн мэдрэмж төрүүлэхүйц бол “Шамбалын орон” нь сахиусан тэнгэртэй учирч буй мэт байх ажээ. “Харин “Үүрийн цолмон” хэмээн дүүгийнхээ нэрээр нэрлэсэн ус нь хэрэглэгчдэд танхил, зөөлөн мэдрэмжийг төрүүлэх гэнэ.
