Европын холбооны зүгээс оффшор бүсийн “Хар жагсаалтыг” нэрлэжээ. Өмнө нь оффшор бүсийн жагсаалтад 47 орны нэрийг багтаан зарлаад байсан билээ. Эдгээр улс орнууд нь Европын холбооны шаардлагад нийцсэн стандартыг баримталж, татварын хуульдаа өөрчлөлт оруулах амлалт өгөөд байгаа улс орнууд юм.
Олон улсын эрэн сурвалжлах сэтгүүлчдийн консорциумаас ил болгож буй “Panama Papers”, “Paradise Papers” зэрэг нууц мэдээллүүдийн хүрээнд тус холбооны гишүүн орнуудын компани, хувь хүмүүс татвараас зайлсхийж байсан нь илэрсээр байгаа тул ийнхүү зарласан талаар ВВС мэдээлжээ. Үүнд манай улсын нэр багтсан байна. “Хар жагсаалт”-д багтсан улсын татварын орчин асуудалтай, татварын хувь хэмжээ нь бага бөгөөд гадны хөрөнгө оруулагчдад мөнгө угаах нөхцөл бүрдүүлж байж болзошгүй гэж үзжээ.
Хар жагсаалтад дараах улсуудыг багтаан нэрлэв:
Америкийн Самоа
Бахрейн
Барбадос
Гренада
Гуам
Өмнөд Солонгос
Макао
Маршаллын арлууд
Монгол
Намиби
Палау
Панам
Сэйнт Лусиа
Самоа
Тринидад ба Тобаго
Тунис
Арабын Нэгдсэн Эмират Улс
Өмнө нь нэрлэгдсэн 47 улс орон Европын холбооноос анхааруулга аваад байгаа бөгөөд “Хар жагсаалт”-д орсон дээрх улс орнууд Европын санхүүгийн зах зээлд хандах эрхгүй болох юм.