Өнөөдөр Монголбанкны Мөнгөний бодлогын зөвлөл хуралдав. Тус хуралдаанаар бодлогын хүүг өөрчлөхгүй байх нь зөв гэсэн шийдвэр гаргажээ. Одоогоор төв банкны бодлогын хүү 13 хувьтай тэнцэж байгаа бөгөөд мөнгөний урсгал болон хөрөнгө оруулалт нэмэгдээгүй үед бодлогын хүүг одоогоор хэвээр хадгалах нь зөв гэж шийдсэн байна.
Ямартай ч дараагийн зөвлөлийн уулзалт хүртэл эдийн засагт ямар нэг тохиргоо, өөрчлөлт гарахгүй нь. Тавантолгой, Оюутолгой зэрэг том ордууд хөдлөөгүй, эдийн засагт орж ирэх мөнгө ямар нэг байдлаар нэмэгдээгүй, гадаадын шууд хөрөнгө оруулалт хасахтай гарч байгаа ийм үед бодлогын хүүг буурууллаа гээд ямар ч үр дүн гарахгүй билээ.