Цэргийн гавьяаны одонт Монгол Улсын баатар Дамдины Намнангийн нэрэмжит хилийн цэргийн 0165 дугаар ангид “Хил хамгаалах байгууллага үүсч хөгжсөний 84 жил”-ийн ойн баярын арга хэмжээ боллоо.
Ойн арга хэмжээний үеэр Монгол Улсын баатар Дамдины Намнангийн гэгээн дурсгалд зориулан хөшөө босгож, нээлтийн үйл ажиллагааг зохион байгууллаа. Нээлтийн ажиллагаанд Баян-Өлгий аймгийн ИТХ-ын дарга Д.Бауыржан, Засаг дарга бөгөөд Хил хамгаалах туслах хүчний зөвлөлийн дарга А.Гылымхан, ангийн захирагч хурандаа Б.Мөнхбат болон тус байгууллагад ажиллаж байсан үе үеийн ахмад хилчид, ажилчид оролцжээ.
Баян-Өлгий аймгийн ИТХ-ын Тэргүүлэгчдийн хуралдаанаар хурандаа Б.Мөнхбат захирагчтай цэргийн гавьяаны одонт Хилийн 0165 дугаар ангийг Монгол Улсын баатар Дамдины Намнангийн нэрэмжит болгосон юм.