Монгол Улсын 2023 оны эхний хоёр сарын нүүрсний экспорт 7.83 сая тонн болж, өнгөрсөн оны мөн үетэй харьцуулахад 6.54 сая тонн буюу 504.01 хувиар өсжээ. Харин нийт экспортын хэмжээ мөн хугацаанд 1.27 тэрбум ам.долларт хүрч, өнгөрсөн оныхоос 288.58 хувиар өссөн үзүүлэлттэй гарсан байна.
Өнгөрсөн хоёр сарын хугацаанд Монгол Улс БНХАУ руу нийт 7.69 сая тонн нүүрс экспортолсон нь өнгөрсөн оны үеэс 536.80 хувиар өссөн. Хоёрдугаар сард 4.23 сая тонн нүүрс БНХАУ руу экспортолсон нь өнгөрсөн оныхоос 572 хувь, өмнөх сарынхаасаа 21.97 хувиар өсжээ. Мөн нүүрс тээвэрлэлтийн үнэ тонн тутамд 110 ам.доллароор буурсан үзүүлэлттэй байгаа аж.