Монгол Улсад 42 улсын иргэд визгүй зорчихоор болжээ

Эдийн засгийг эрчимжүүлэх ажлын хүрээнд Монгол Улсад визгүй зорчих 42 улсын жагсаалтыг Засгийн газраас баталж өнгөрөгч 25-ны өдрөөс хэрэгжүүлж эхэлжээ. Энэхүү жагсаалтад Австри, Андорра, Аргентин, Багамын арлууд, Бельги, Болгар, Бразил, Грек, Гибралтар, Гренада, Дани, Их Британи, Ислан, Испани, Итали, Ирланд, Кипр, Коста-Рика, Латви, Литва, Лихтеншштейн, Люксембург, Мальт, Монако, Нидерланд, Норвеги, Панам, Польш, Португал, Румин, Словак, Словени, Унгар, Уругвай, Финлянд, Франц, Хорват, Чех, Чили, Швед, Швейцар, Эстони зэрэг 42 улс багтжээ. Дээрх улсын иргэд 2015 оны 12-р сарын 31-ний өдөр хүртэл бизнес болоод жуулчлалын журмаар 30 хоног хүртэлх хугацаанд визгүй зорчих эрхтэй болох юм. Зарим улсын виз хүсэгчдийн визийг тухайн улсад суугаа Монгол Улсын Элчин сайдын яамдууд түргэн, шуурхай олгож байгаа бөгөөд Монгол орны талаарх мэдээллийг олгох баг ажиллаж байгаа ажээ.