“Transparency International” байгууллагаас олон улсын авлигын 21 дэх индексийг өнөөдөр танилцуулав. Судалгаанд 168 орон хамрагджээ. Манай улс 39 оноогоор 72 байрт жагссан байна. Өнгөрсөн онд Монгол Улс 175 орноос 80 дугаар байрт жагссан юм.
Авлига багатай орнуудыг Дани 91 оноо, Финлянд 90 оноо, Швед 89 оноотойгоор тэргүүлж байна. Харин Сомали болон Умард Солонгос найман оноо, Афганистан 11 оноогоор авлига хамгийн ихтэй орноор тодорчээ. Мана хойд хөршийн хувьд сүүлийн дөрвөн жил авлигын индексээр тэргүүлэгч орны нэгээр тодорсон байна. Тус улс Азербайжан, Сьерра-Лион, Гайана улстай хамт 119 дүгээрт жагсчээ.
Авлигын индексийг 0-100 оноогоор дүгнэдэг. Оноо бага байх тусам авлигад их автсан, харин их байх тусам авлигаас ангижирсан гэж үздэг байна.