Монгол улс өнгөрөгч оны гуравдугаар сард Антрактидын гэрээнд албан ёсоор нэгдэж, бааз байгуулах зөвшөөрөл авч газраа өмчилсөн тухай бид өмнө мэдээллэж байсан. Тэгвэл өнөөдөр Монгол Улсын усны ассоциаци, Антрактид судлалын нийгэмлэгээс хамтран Өмнөд мөсөн туйлын судалгааны ажлын талаар мэдээлэл хийлээ.
Монгол Улс 2011 онд Антарктид судлалын хүрээлэн байгуулж, 2015 оны зургадугаар сард Антарктидын тухай олон улсын гэрээнд нэгдсэн юм. Ингэснээр Өмнөд туйлд өөрийн станцаа байгуулж, бие даан судалгаа шинжилгээний ажил явуулах, энэ туйл руу аялах квотоо өсгөн, байгалийн нөөцийг нь боловсруулах ажилд оролцох боломжтой болж байгаа юм.
Хэвлэлийн бага хурлын үеэр профессор Н.Батсүх “Бааз байгуулснаар Монгол Улсын ирээдүйд эдийн засгийн болон экологийн өндөр ач холбогдолтой байх юм. Тухайлбал геологи, цаг уур, усны нөөц гэсэн үндсэн гурван чиглэлээр ажиллана. Ингэснээр одоо ашиглах боломжгүй байгаа баялагийг хэрэглээнд оруулахад тодорхой хэмжээний хувь эзэмших боломж бүрдэх юм” гэлээ.
Эхний ээлжинд монголын тал эрдэм шинжилгээний таван ажилтан ажиллах боломжтой бөгөөд 250 мянган ам доллар шаардлагатай. Энэ мөнгөний тодорхой хувийг “Усны ассоциаци” хувийн хэвшлийн байгууллагатай хамтран бүрдүүлсэн бол Засгийн газраас энэ онд 90 сая ам.долларын хөрөнгө оруулалт хийх тухай хэлэлцэж байна