Монгол Улсаас Бүгд Найрамдах Турк Улсын Истанбул хотод суугаа Ерөнхий Консул Э.Мөнх-Очир энэ сарын 24-ний өдөр БНТУ-ын Залуучууд, спортын дэд сайд Метин Иылмазтай уулзжээ. Тэд хоёр орны залуучууд, соёл, спортын салбарт хамтын ажиллагааг өргөжүүлэн хөгжүүлэх, Монгол Улсын ССАЖЯ-ны төлөөлөгчдийн БНТУ-д хийх албан айлчлалын бэлтгэлийг хангах тухай санал солилцсон байна.
Мөн хоёр улсын хооронд спортын салбарт хамтран ажиллах тухай хэлэлцээрийн төслийн талаар ярилцжээ.