Жил бүр уламжлал болгон зохион байгуулдаг залуу монгол судлаачдын зуны сургалт удахгүй эхэлнэ. Энэ жилийн сургалтад Орос, Герман, Швейцар, Чех, Унгар, Турк, Казакстан, Хятад, Япон, БНСУ, БНАСАУ зэрэг 11 орны 18 их сургууль, судалгааны төвөөс 29 залуу судлаач, оюутнууд оролцохоор хүрэлцэн ирээд байна.
Зуны сургалтын гол зорилго нь ирээдүйн залуу судлаачдыг монгол ахуй орчинтой танилцуулж, хэл соёлын амьд харилцаан дунд тусгай сургалт явуулж Монгол судлалын залгамж холбоог бэхжүүлэх юм.
2015 оны залуу монгол судлаачдын зуны сургалтын талаар мэдээлэл өгөх хэвлэлийн бага хурал ирэх даваа гаригийн 09.00 цагаас БСШУЯ-нд болно.