БНСУ-ын Дунд сургуульд сурдаг 13 настай монгол охиныг дээд ангийнх нь дөрвөн охин зодож, дүрс бичлэгийг нь зарсан хэрэг өнгөрсөн долоо хоногт олон нийтэд ил болсон.
Долдугаар сарын 3-ны өдөр Өмнөд Гёнсан мужийн Янсан хотод гарсан уг хэрэг хохирогч охины эх орон Монголын төдийгүй Өмнөд Солонгосын нийгмийг цочроогоод байгаа юм.
Өмнөд Солонгосын ерөнхийлөгчийн Хөх ордны вэбсайтад тус улсын иргэд тодорхой асуудлаар өргөдөл гомдол гаргаж, засгийн газраас арга хэмжээ авахыг шаардах механизм ажилладаг.
Уг өргөдөл нь 30 хоногийн дотор 200 мянган иргэний дэмжлэг авч чадвал засгийн газар анхааралдаа авч, хариу өгдөг журамтай юм.
Тус санал хураалт 14:00 цагийн байдлаар 199 мянга гаруй иргэдийн дэмжлэгийг аваад байна. “Хөх ордон”-ы сайтад саналаа ЭНД дарж өгөх боломжтой. Зааврыг доорх зургаас харна уу.