Хятадын хойд нутаг, Монголын говь цөлөөс үүдэлтэй шороон шуурга Өмнөд Солонгосын баруун нутгийг нөмөрсний улмаас Сөүл орчмын бүсэд нарийн ширхэгт тоосонцрын агууламж эрс нэмэгдэж буйг тус улсын Цаг уурын агентлаг анхааруулжээ.
Сөүл хотод Баасан гаригийн үдээс хойш агаар дахь 10 микрограммаас бага диаметртэй “PM10” тоосонцрын агууламж нэг шоо метр тутамд 610 микрограммд хүрсэн байна. Энэ үзүүлэлт хоёр цаг гаруйн турш 300 микрограммаас давсан тохиолдолд ийнхүү анхааруулга гаргадаг аж.
Мөн Сөүлийн ойролцоо оршдог Гёнги муж, Инчеон хот, Өмнөд Чунчон зэрэг газруудад Баасан гаригийн 15.00 цагийн байдлаар “PM10” тоосонцрын агууламж 470-632 микрограммд хүрлээ хэмээн Агаарын чанарыг урьдчилан судлах төвөөс мэдээлжээ. Тус төвийн мэдээллээр, шороон шуурга Ням гаригийг хүртэл Өмнөд Солонгосын бараг бүх нутгийг дайран өнгөрөх төлөвтэй байгаа аж.