Сүүлийн зургаан жилийн турш БНСУ-д ажиллаж, амьдардаг гадаадын иргэдийн үйлдсэн бэлгийн хүчирхийллийн гэмт хэргийн тоо хоёр дахин нэмэгджээ. Энэ тухай тус улсын Их Хурал дахь Үндэсний аюулгүй байдлын байнгын хорооны гишүүн Ким Ёнг Жин өнөөдөр мэдээлсэн талаар “Mgl radio” уламжлав.
Ким Ён Жин “Манай улсад 2011 оны байдлаар гадаадын 318 иргэн бэлгийн хүчирхийллийн гэмт хэрэг үйлдсэн хэргээр саатуулагдаж байсан бол 2016 оны 12-р сарын байдлаар, гэмт хэрэг үйлдэгсдийн тоо хоёр дахин нэмэгдэж 646 болсон.
Гэмт хэргийн дийлэнх нь Сөүл хотод үйлдэгдэж байгаа бол гэмт хэрэг үйлдэгсдийн 251 нь Хятад, 52 нь АНУ, 42 нь Узбекстан болон Монгол улсын иргэд байна. Хохирогчдын 90% нь солонгос эмэгтэйчүүд байгааг энд онцлох хэрэгтэй. Бид өөрийн орны иргэдийг гэмт хэргийн хохирогч болгохгүйн тулд анхаарах цаг болжээ” хэмээн хэлжээ.