Мэргэжлийн сүмогийн нэгдүгээр сарын тэмцээнд түрүүлсэн “Дэваноүми” дэвжээний бөх, Митакэүми албан ёсоор озэки цол хүртжээ.
Сүүлийн 10 жилийн хугацаанд хамгийн өндөр амжилт үзүүлсэн озэки хэн бэ гэж асуувал түүнийг хэлнэ.
Гурван удаа Эзэн хааны цомыг гардсан нь озэки цолтнуудаас зөвхөн Кайо л (5 удаа түрүүлсэн) түүний өмнө бичигддэг. Өдгөө 29 настай түүний амжилт бидний танил озэки Конишики, Чиётайкай, Точиазүма нарын амжилттай зэрэгцэж байгаа юм.
Тоё их сургуулийг төгссөн түүнийг дараагийн ёкозүна болох үгүй нь ярианы сэдэв болж байна. Касүгано ояката, Онарүто ояката, сүмогийн бусад олон гишүүд түүнийг озэки цол хүртсэнийхээ дараа ярилцлага өгөхдөө Наганогийн уугуул бөхийг цолоо ахиулж, сүмогийн дээд зиндаанд хүрнэ гэсэн итгэл найдвар, хүлээлгэж байгаа талаар ярьжээ.