Насжилт дууссан
микронууд хулгайгаар тээвэрлэлт хийх тохиолдол буурахгүй байгааг нийслэлийн
Тээврийн газраас мэдээлж байна. Хулгайгаар тээвэрлэлт хийж эхний
удаад баригдвал Авто тээврийн тухай хуулийн 23.1.4-ийн дагуу 5-30 мянган
төгрөгөөр торгоно. Харин хоёр дахь удаа тээвэрлэлт хийж,
баригдвал тухайн тээврийн хэрэгслийг журмын хашаанд хийх, хөдөлмөрийн хөлсний
доод хэмжээг гурав дахин нэмэгдүүлсэнтэй тэнцэх хэмжээний /576 мянган төгрөг/
мөнгөөр торгууль оногдуулах аж.
Дамшрамд дуулгахад,
2016 оны наймдугаар сарын 1-нээс 176 микро автобусыг нийтийн тээврийн
үйлчилгээнээс бүрмөсөн чөлөөлсөн. Улмаар шаардлага хангасан 48 микро автобусыг
үйлчилгээнд явуулахаар болсон юм. Микро автобусны орон зайг стандартын
шаардлага хангасан том болон дунд оврын автобус орлоно гэж мэдэгдээд байгаа.