Дэлхийд нэн ховор Мазаалай баавгай энэ сарын долооны өдөр Говь-Алтай аймгийн Баянбуурал багийн нутагт ирж, бэлчээрт байсан хонин сүрэг дунд явж байсан тухай бид өмнө нь мэдээлсэн .
Тэгвэл БОАЖ-ын яам, “Мазаалай хамгаалах сан”-ийн ажлын хэсгийнхэн урд шөнө 02 цагийн үед Алтайн өвөр говь буюу Говийн их дархан цаазат газрын “А” хэсэг рүү мазаалайг зөөж, шилжүүллээ.
“Алтайн өвөр говь энэ жил гантай байгаа учир мазаалай баавгай өвс тэжээл хөөн нутгаасаа дайжин явсан байна. Мөн 3-4 настай залуу Мазаалай баавгай Алтайн өвөр говиос 300 гаруй километрийг туулсан байна” хэмээн аймгийн Байгаль орчин, аялал жуулчлалын газрын мэргэжилтэн Г.Олонбаатар хэллээ.