“Facebook” сүлжээг үндэслэгч Марк Цукерберг гэрийн туслахтай болохоор шийджээ. Гэхдээ түүнд эгэл жирийн хүн хэрэггүй, иймээс хиймэл оюун ухаантай төмөр хүнийг бүтээж өөрийн төлөө ажиллуулах юм байна. “Төмөр хүн маань ажил дээр ч, гэрт ч надад туслах юм. Тэр миний дууг таньдаг байх ёстой, бас манай гэрийн дуу хөгжим, гэрэл, агаарын хэм зэргийг хянаж зохицуулна” гэж Цукерберг ярилаа.
Марк өөрийн төмөр туслахыг Джарвис гэж нэрлэжээ, яг нөгөө алдарт кино шиг. Тэр бүү хэл түүний төмөр хүний дуу хоолой нь Холливудын алдартай од Бага Роберт Даунийх байх ёстой гэж Марк хүсчээ.
“Төмөр хүн” киноны гол дүрээрээ дэлхий даяар алдаршсан Роберт Дауни “Би дуу оруулахад бэлэн, гэхдээ болзолтойгоор. Беттанид мөнгө төлөг, харин тэр энэ мөнгийг Камбербэтчийн сонгосон буяны санд шилжүүлэг. Тэгвэл ёстой хачин юм болох байх” гэж хариулав. Пол Беттани гэдэг нь “Төмөр хүн”-д франшизээр дуу оруулсан хүн гэдгийг та бүхэн мэдэх байх.