Энэ сарын 5-ны өдөр “Азийн 23 хүртэлх насны АШТ”-ий урьдчилсан шатанд өрсөлдөх Монголын залуучуудын хөлбөмбөгийн шигшээ баг нэгдсэн бэлтгэл хийхээр БНСУ-ыг зорихоор болжээ.
Монголын хөлбөмбөгийн холбоо, Солонгосын хөлбөмбөгийн холбооны хамтын ажиллагааны хүрээнд манай шигшээ баг мэргэжлийн хөлбөмбөгийн “Мокпо” бэлтгэлийн баазад 12 хоногийн бэлтгэл хийх аж. Герман дасгалжуулагч Майкл Вайссаар удирдуулсан залуус бэлтгэлийнхээ хугацаанд БНСУ-ын 19 хүртэлх насны шигшээ баг болон БНСУ-ын гуравдугаар лигийн багтай нөхөрсөг тоглолт хийж ур чадвараа сорих юм. Ази тивийн АШТ-ий “H хэсэг”-т багтсан залуучуудын шигшээ баг долдугаар сарын 19-нд Тайланд, 21-нд Индонези, 23-нд Малайзын багтай тоглох хуваарьтай байгаа юм.