Маргааш хурдан морины уралдаан хязаалан, шүдлэн насаар эхэлнэ. 11-нд азарга, их нас, 12-нд соёолон, даага, 13-нд эрлийз морьдын уралдаан үргэлжлэх юм. Хязаалан морьдын уралдаан өглөө 8:00 цагт гараанаас гарч, 10:00 барианд цагт орох бол шүдлэн насны морьд 14:00 цагаас мордож, 16:20 минутад барианд орж ирэх юм. Өнөөдөр хязаалан, шүдлэн насны морьдыг бүртгэж эхэлсэн.
Сануулахад, Үндэсний баяр наадмын тухай хуульд долоогоос дээш насны хүүхэд хурдан морь унана гэж заасан байдаг. Хэрэв долоогоос доош насны хүүхдээр морио унуулахаар зэхсэн бол тухайн уяачдын морийг бүртгэхгүй юм байна. Түүнчлэн унаач хүүхдийг заавал гэнэтийн ослын даатгалд хамруулж, эрүүл мэндийн үзлэгт оруулсан байх шаардлагатай. Өнгөрсөн жилийн наадмаар арав гаруй хүүхэд морь гараанаас гарах үед, мөн хоёр хүүхэд уралдааны явцад унаж бэртсэн байдаг.