ОХУ-ын Владивосток хотод “Азийн хүүхдүүд-2022” олон улсын спортын VII наадам долоодугаар сарын 28-наас наймдугаар сарын 8-нд болов. Энэ удаагийн наадамд Ази тивийн 12 орон, ОХУ-ын найм, нийт 20 багийн 1355 тамирчин спортын 19 төрөлд 273 багц медалийн төлөө өрсөлдлөө. Монголын багийн тухайд жүдо, самбо, кураш, усанд сэлэлт, масрестлингийн төрөлд 31 тамирчин оролцсон юм. Манай тамирчид нэг алт, хоёр мөнгө, найман хүрэл медаль хүртсэн амжилтаараа 12 дугаар байрт жагсав. Мөн нэг тамирчин спортын дэд мастерын болзол хангажээ. Дараагийн наадам 2024 онд ОХУ-ын Якутын Саха хотод болох юм.
“Азийн хүүхдүүд-2022”олон улсын спортын VII наадмаас медаль хүртсэн тамирчдыг танилцуулъя.
КУРАШ БӨХ:
Алтан медаль
Б.Батхүү 60 кг
Мөнгөн медаль
У.Өсөх-Ирээдүй 50кг
Хүрэл медаль
М.Нандин-Эрдэнэ 57кг
ЖҮДО БӨХ:
Мөнгөн медаль
Ш.Чилүгэн 46 кг
Хүрэл медаль
Л.Амар-Энх 70 кг
Ч.Төгөлдөр 50 кг
САМБО БӨХ:
Хүрэл медаль
О.Нандин-Эрдэнэ 47кг
Б.Чинхүслэн 49 кг
МАСРЕСТЛИНГ:
Хүрэл медаль
Г.Эрдэнэхатан 60 кг
О.Жавхлан 70 кг
С.Заяа 80 кг
УСАНД СЭЛЭЛТ:
Н.Хишигбаяр (Спортын дэд мастерийн болзол хангав)