Дэлхийн аварга шалгаруулах тэмцээнд тулалдах манай дөрвөн боксчин өчигдөр Катар улсыг зорьсон. Хуваарийн дагуу энэ сарын 5-12-ны өдрүүдэд Катарын Доха хотноо боксын дэлхийн аварга шалгаруулах тэмцээн болно.
Дэлхийн боксын холбооны шинэчлэгдсэн дүрмийн дагуу тухайн тивийнхээ аварга шалгаруулах тэмцээнд эхний долоодугаар байрт бичигдсэн тамирчин ДАШТ-д өрсөлдөх эрхтэй болсон билээ.
Монголын Улсыг төлөөлөн 49 кг-д Г.Ган-Эрдэнэ, 56-д Э.Идэрхүү, 60 кг-д Д.Отгондалай, 69 кг-д Б.Түвшинбат нар дэлхийн аваргын, Рио-2016 олимпийн эрхийн төлөө тулалдахаар эх орноосоо мордлоо.