Мальта долдугаар сарын 14-нөөс эхлэн иргэдийг хилээрээ нэвтрүүлэхдээ зөвшөөрөгдсөн вакцинаар тариулсныг батлах гэрчилгээг шаардана.
“COVID-19”-н халдварт өвчин дэгдсэнтэй холбоотойгоор Мальта хэлний сургуулиудаа ирэх долоо хоногоос хаахаар болжээ. Үүнээс гадна вакцинд хамрагдаагүй иргэдийг мөн тусгай зөвшөөрөлгүйгээр хилийн чанадад зорчихыг хориглож байгаа аж.
“Долоодугаар сарын 14-нөөс эхлэн Мальта улсад ирж буй хүн бүр тус улсад юмуу Их Британи, ЕХ–нд зөвшөөрөгдсөн гэрчилгээтэй байх ёстой. Бид ийм алхмыг авч буй Европын анхны улс болж байна” гэж Мальта улсын Эрүүл мэндийн сайд Крис Ферн мэдэгдсэн байна.
Мальта улс нийтийн дархлаа тогтсон Европын анхны улс болсноо тавдугаар сард зарласан билээ. Тус улсад халдварын 30.8 мянган тохиолдол бүртгэгдэж, 420 хүн халдварын улмаас нас барсан байна.