Ховд аймгийн хэмжээнд мал төллөлт 83.9 хувьтай үргэлжилж байгаа бөгөөд өнөөдрийн байдлаар 1 сая 116.9 мянган хээлтэгч мал төллөсөн байна.
Одоогийн байдлаар 1 сая 106.3 мянган төл бойжиж байна. Цаг агаарын төлөв байдал, зарим хүчин зүйлээс шалтгаалан 12973 төл мал хорогдсон. Мөн 8458 мал хээл хаясан гэж Хүнс, хөдөө аж ахуйн газраас мэдээллээ.
Сүүлийн үед ихэнх нутгаар салхи шуургатай, сэрүүн байгаагаас муудсан малд нэмэлт тэжээл өгч байна. Дарви сум болон Алтайн өвөр говийн сумдын нутгаар өвс ургамал цухуйсан. Бусад сумын нутгаар ургамал цухуйж эхлээгүй байгаа бөгөөд нийт 7.6 мм хур тунадас орсон гэх мэдээллийг албаныхан хэллээ.