Моринд дуртай “Макс” группын захирлууд буюу Д.Цэрэнжигмэд, Д.Ганбаатар нар анхны тод манлай уяач ах дүүс гэдгээрээ ялгардаг. Тэд олон жил морь уяж байгаа бөгөөд Асгат саарал, Жигүүр хул, Том сарт хүрэн зэрэг олон алдартай хүлгүүдийн эзэд юм.
Тод манлай уяач цолыг Д.Ганбаатар 2009 онд, Д.Цэрэнжигмэд 2012 онд тус тус хүртэж байв. Тэгвэл уяач ах дүүс тод манлай уяач цолны хүндэтгэлийн наадам зохион байгуулахаар болжээ.
Тэдний хүндэтгэлийн наадам энэ сарын 9-нд Говь-Алтай аймгийн наадмын талбайд болох ба хурдан морь, хүчит бөхийн барилдаан, халх сурын харваа гэсэн гурван төрлөөр явагдана хэмээн зар тараажээ. Ийнхүү нэгэнтээ Азийн баячуудаар нэрлэгдсэн ах дүүс өөрсдөө наадам зохион байгуулахаар болж, бай шагнал нь ч өндөр байгаа сурагтай.