МАХН-ын гишүүд дэмжигчдийн холбооноос мэдэгдэл гаргажээ. Тэд мэдэгдэлдээ “МАХН-ын Бага чуулган нэртэй тоглоомын байгууллага 2014.10.16-ны өдөр намын удирдлагад суусан хэдхэн хүний урьдчилан найруулсан ээлжит нэгэн жүжиг болж өнгөрлөө. МАХН-аас АН-тай 2024 он хүртэл хамтран ажиллах гэрээ гэгч баримт бичгийг Н.Энхбаяр, түүний даган баясагч хэдхэн хүн батлуулах гэж зүтгэснийг эсэргүүцэн зарим нь хуралдааныг орхин гарсан тул баримт бичгийн тухай дурдаагүй” гэжээ. Мөн МАХН-ын хамтын ажиллагааны гэрээ хэмээх баримт бичиг нь МАН-ыг задлан, түүний эсрэг бүх талаар хамтран ажиллах агуулгатай улс төрийн соёл болон хууль эрхзүйн чадамж байхгүй тул МАХН-ын гишүүд дэмжигчид эрс эсэргүүцэж байгаагаа мэдэгдэлдээ дурдсан байна. Үндсэн хууль, бусад хуулиудыг зөрчсөн уг баримт бичигт гарын үсэг зуран, баталгаажуулах эрх нь МАХН-ын дарга Н.Энхбаярт олгогдоогүй болохыг бид хариуцлагатайгаар мэдэгдэж байна гэв.
Э.БОЛД