Азийн наадмын талбайн теннисний эрэгтэй, эмэгтэй, хос төрлийн тоглолтууд ”Yeorumul tennis сourts” ордонд үргэлжлэн явагдлаа.
Эрэгтэйчүүдийн ганцаарчилсан төрөлд ОУХМ М.Бадрах Оманы тамирчин Омран Мохамед Ибрахимыг хоёр сетэд буулган авч хоёрдугаар шатны эрхээ авсан. Тэрээр 6:0, 6:1 гэсэн харьцаатай ялалт байгуулж манай талбайн теннисчдийн Азийн наадамд дахь анхны ялалт авчирсан юм.
1998 оноос хойш нийт дөрвөн удаагийн наадамд оролцохдоо манай тамирчид ялалт байгуулж амжаагүй байсан.
М.Бадрах өчигдөр хоёрдугаар шатны тоглолтоо Өмнөд Солонгосын тамирчны эсрэг хийж 6:1, 6:2-оор ялагджээ. Мөн Д.Эрдэнэбаяр Хонконгийн тамирчинд 6:0, 6:2-оор ялагдаж тэмцээнээ дуусгалаа.