Германы Дюссельдорф хотноо болсон жүдо бөхийн гранпри тэмцээний сүүлийн өдөр эрэгтэйчүүдийн 90 кг-ын жинд ОУХМ Л.Отгонбаатар хүрэл медаль хүртлээ. Тэрээр медалийн төлөөх шийдвэрлэх барилдаанд Г.Алтанбаганыг ялав.
Л.Отгонбаатар “D” хэсгийг тэргүүлэн Ливан, Испани, БНСУ-ын бөхчүүдийг хожин хагас шигшээд үлдсэн ч Унгарын Кристиан Тотод хожигдсон. Г.Алтанбагана Тунис, Бразилын бөхчүүдийг хожин хэсгийн аваргын барилдаанд 2015 оны дэлхийн аварга БНСУ-ын Гваг Дун Ханд дийлдсэн. Манай бөх дагах барилдаанд олимпийн нэг, дэлхийн гурван удаагийн аварга Грекийн Илиадес Илиасыг торгуулиар ялсн юм.
Энэ удаагийн тэмцээнээс манай жүдочид гурван хүрэл, шагналт V байрт дөрөв, VII байрт хоёр жүдоч орлоо.