Герман дахь курд гаралтай 30 орчим хүн Майнын Франкфурт хотод цуглаж, Туркийн Ерөнхийлөгч Режеп Тайип Эрдагоны эрх мэдлийн хүрээг тэлэхийг эсэргүүцэн жагсав. Тэд маргааш тэмдэглэх шинэ жилийн баярын өмнө ийнхүү жагсчээ.
Турк, тэрчлэн Европын холбоо болон АНУ-д террорист байгууллагад тооцдог Курдистаны ажилчны намынхны эл үйлдлийг хүлээн зөвшөөрөхгүй гэдгээ Эрдагоны хэвлэлийн нарийн бичгийн дарга Ибрахим Калин мэдэгдсэн байна. Ирэх сард Туркийн иргэд Үндсэн хуульдаа өөрчлөлт оруулж, Ерөнхийлөгчийнхөө бүрэн эрхийг үлэмж хэмжээгээр өргөжүүлэх, эсэхээ бүх нийтийн санал хураалтаар шийдэх юм. Хилийн чанадад санал өгөх эрхтэй Туркийн 5.5 сая иргэн аж төрж байгаа бөгөөд тус улсын ЗГ тэдний саналыг өөрт ашигтайгаар авах бүх аргыг хэрэглэхийг оролдож байна.
О.ӨНӨР