Португалийн шигшээ багийн ахлагч Криштиану Роналду Гиннессийн дээд амжилтын батламжаа гардан авчээ.
Тэрээр шигшээ багийн хамт БН Ирландын шигшээ багийн эсрэг тоглохдоо 85 болон 90+5 дахь минутад гоол оруулснаар бүх цаг үеийн түүхэд шигшээ багийнхаа төлөө хамгийн олон гоол оруулсан эрэгтэй хөл бөмбөгчин болсон юм.
Өдгөө 36 настай Роналду шигшээ багийнхаа төлөө 2003 оноос хойш 180 тоглолтод оролцож 111 гоолыг оруулжээ.
Түүний өмнө энэхүү амжилтыг Ираны шигшээ багийн төлөө 1993-2006 оны хооронд тоглож байсан Али Дайе 109 гоолтойгоор эзэмшиж байв.