Сүүлийн 24 цагт 269 хүн КОВИД-19-ийн халдвар авсан нь PCR-аар батлагджээ.
Үүнээс
- 157 нь Улаанбаатарт
- 112 нь орон нутагт бүртгэгдсэн байна.
Ингэснээр нийт бүртгэгдсэн халдварын тоо 944,720 болов. 
Орон нутагт Өмнөговь аймагт хоногт батлагдах халдварын тоо хамгийн өндөр байна. Өнгөрсөн хоногт тус аймагт 56 хүн халдвар авсан нь PCR-аар батлагдсан бол
- Төв аймагт – 16
- Увсад – 11
- Ховд аймагт 10 хүн өвчилжээ.
Харин 12 аймагт халдвар бүртгэгдээгүй байна.
Эдгээр тоон мэдээлэл нь зөвхөн PCR шинжилгээгээр батлагдсан тохиолдлын тоо юм.
ЭМЯ-ны статистик мэдээгээр Улаанбаатар хотод 11,207 хүн хяналтад байгаа бол өнгөрсөн хоногт 892 хүн эдгэрсэн байна.
Коронавирусийн омикроны BA.4, BA.5 хувилбар манай улсад бүртгэгдсэнтэй холбоотойгоор халдварын тохиолдол эрс нэмэгдэж байгаа тул иргэд олон нийтийн газар амны хаалт тогтмол зүүх, халдвар хамгааллын дэглэм баримтлах шаардлагатайг эрүүл мэндийн байгууллагаас анхааруулсаар байна.