Улсын хэмжээнд Концессын гэрээгээр нийт 72 сургууль, цэцэрлэгийн
цогцолбор барихаар төлөвлөсөн билээ. Үүний 30-ыг нь энэ онд ашиглалтад
оруулах төлөвлөгөөтэй байгаа бол үлдсэн 42 бага сургууль, цэцэрлэгийн
цогцолборыг ирэх онд ашиглалтад оруулах юм байна. Концессын гэрээгээр
барих эдгээр барилгаас таван сургууль, цэцэрлэгийг цогцолборыг нь
нийслэлд барина.
Энэ ажил ямар шатандаа үргэлжилж байгаа талаар нийслэлийн Боловсролын
газрын барилга, хөрөнгө оруулалт хариуцсан мэргэжилтэн Э.Баярмагнай
ингэж ярилаа.
Ямартай ч Концессын гэрээгээр нийслэлд баригдах таван сургуулийн
барилгын ажил үргэлжилж, хоёр ажил нь гэрээний, гурав нь тендэрийн
шатандаа явж байгаа аж.
Концессын гэрээгээр сургууль, цэцэрлэгийн асуудлыг шийдвэрлэх нь олон
талын ач холбогдолтой гэдгийг албаныхан онцолж буй. Тухайлбал, богино
хугацаанд буюу хоёр жилийн дотор 72 бага сургууль, цэцэрлэгийг
цогцолбороор нь баригдана. Өмнө нь компаниуд зөвхөн барилга бариад
хүлээлгэж өгдөг байсан бол одоо баригдах барилгуудад бүх асуудлыг
цогцоор нь шийдэж байгаагаараа онцлог. Нөгөөтэйгүүр энэ гэрээний
нөхцөлөөр барилга барьсан компани 20 жилийн хугацаанд цогцолборынхоо
үйлчилгээ бусад асуудлыг хариуцахаар заасан нь бас давуу тал юм.
Цаашид аймаг, орон нутагт шаардлагатай байгаа сургууль, цэцэрлэгийг
Концессын гэрээгээр гүйцэтгэх асуудлыг үргэлжлүүлэн судлах бөгөөд 2016
оноос хэрэгжүүлэх зорилт тавьсан талаар албаны хүмүүс хэлж байна.