АНУ-ын Конгрессийн гишүүд ерөнхийлөгч Обамагаас цөмийн товчлуурт түрүүлж гар хүрэхгүй байхыг шаарджээ. Тодруулбал, Конгрессийн төлөөлөгчдийн танхимын 22 гишүүн Ерөнхийлөгч Барак Обамад илгээсэн захидалдаа “Цөмийн цохилт түрүүлж хийх нь энгийн олон мянган иргэний амийг хөнөөхөд хүргэх учир ийм хувилбарыг Цагаан ордон хэлэлцэх ёсгүй” гэсэн байр суурьтай байгаагаа илэрхийлсэн байна.
Тус улсын хууль тогтоогчид энх тайван, аюулгүй байдлыг хангахын төлөө ихээхэн гарз хохирол амсах цэргийн ажиллагааг эхлүүлэх ёсгүй хэмээн үзэж байгаа аж. “Нью-Йорк таймс” сонин ерөнхийлөгч Барак Обама зөвлөхүүдтэйгээ хэлэлцсэний эцэст цөмийн зэвсэг ашиглах Вашингтоны бодлогод өөрчлөлт оруулах шаардлагагүй гэж үзэж байгаа тухай мэдээллэжээ.
Гэхдээ Цагаан ордны зөвлөхүүд энэ алхмыг нь АНУ-ын холбоотон орнууд, түүний дотор Япон, Өмнөд Солонгос улсууд сөргөөр хүлээж авч болзошгүй гэж анхааруулсан байна. АНУ нь ОХУ-аас гадна “Цөмийн гурвал” гэж нэрлэдэг хуурай газар, далай тэнгис болон агаарын бааз бүхий цөмийн зэвсэгтэй юм.