АНУ-ын Ерөнхийлөгч Дональд Трамп дайсагнасан харилцаатай байгаа Хойд Солонгосын удирдагч Ким Чен Унтай уулзахаар тохиролцсон талаар “Ройтерс” агентлаг мэдээллээ.
Энэ талаар Өмнөд Солонгосын Үндэсний аюулгүй байдлын зөвлөх Чун Юй Ён хэвлэлийнхэнд мэдэгдэв.
Тэрбээр энэ долоо хоногийн эхээр албаны хүмүүсийн хамтаар Пхеньянд очиж, Ким Чен Унтай уулзсан билээ.
Чун Юй Ён өчигдөр Вашингтонд очиж, Трамптай уулзах үеэрээ Ким Чен Уны бичсэн нууц захиаг дамжуулсан гэнэ.
Уг захианд хоёр улсын удирдагчийн уулзалтын талаар бичсэн байсан талаар гэрчүүд өгүүлэв.
Ким Чен Ун Сөүлийн талынхныг хүлээн авах үедээ Өмнөд Солонгосын Ерөнхийлөгч Мүн Жэ Ин болон АНУ-ын Ерөнхийлөгч Дональд Трамптай ойрын хугацаанд уулзаж, олон асуудлын талаар ярих хүсэлтэй буйгаа илэрхийлсэн байна.