Өчигдөр Хойд Солонгосын удирдагч Ким Чен Ун БНСУ-ын дээд түвшний төлөөлөгчдийг хүлээн авч уулзжээ. Тэрбээр, Хойд Солонгосын удирдагч болсноосоо хойш Сөүлийн бие төлөөлөгчтэй уулзаж буй анхны тохиолдол болж байгаа юм.
Арван хүний бүрэлдэхүүнтэй БНСУ-ын төлөөлөгчид цөмийн зэвсэггүй болох асуудлаар АНУ-тай яриа хэлэлцээ хийх, цөмийн хөтөлбөрийн асуудлаарх маргааныг эцэслэхэд Ким Чен Уныг ятгах зорилготой гэж албаныхан мэдэгдсэн байна. Мөн талууд Хойд Солонгост хоригдож байгаа Өмнөд Солонгос болон Америк гаралтай гурван хүнийг суллах асуудлыг хэлэлцэж магадгүй аж.