АНУ-ын Ерөнхийлөгч Дональд Трамп болон Хойд Солонгосын удирдагч Ким Чен Ун нар ирэх сарын 12-нд Сингапурт уулзахаар тохиролцоод буй юм.
Энэхүү түүхэн уулзалтаас урьтаж, хоёр улсын төлөөлөгчид Сингапурт маргааш уулзахаар болжээ.
Тэгвэл Хойд Солонгосын нөлөө бүхий эрхмүүдийн нэг Тагнуулын Ерөнхий хорооны дарга, генерал Ким Ён Чо өнөөдөр БНХАУ-ын нийслэл Бээжингээс АНУ-руу хөөрсөн талаар албаны эх сурвалж мэдээлэв.
Энэхүү мэдээлэл баттай бол тэрбээр АНУ-д айлчилсан Хойд Солонгосын хамгийн өндөр албан тушаалтан болох юм.
Тэрбээр Цагаан ордонд зочилж, Ерөнхийлөгч Трамптай түүхэн уулзалтын талаар хэлэлцэх гэнэ.
Ким Ён Чо өнгөрсөн хоёрдугаар сард Өмнөд Солонгосын Пёнчан хотноо зохион байгуулагдсан өвлийн олимпт баг тамирчдаа ахалж, ирсэн билээ.
Тэрбээр хаалтын ажиллагаанд АНУ-ын Ерөнхийлөгчийн ууган охин Иванка Трамптай биечлэн уулзсан юм.