Хятадын хойд хэсгийн Хэбэй мужад хүчтэй аадар борооны улмаас үер болж 114 хүн нас барж, 111 хүн сураггүй алга болж 300 мянган айл орох оронгүй болсон байна.Орон нутгийн захиргаанаас мэдээлж буйгаар 150 дүүрэг энэхүү үерт автжээ.
Хамгийн их гамшигт нэрвэгдсэн Синтай дүүрэгт 25 хүн амь үрэгдэж 13 хүн сураггүй алга болсон байна. Энэхүү дүүрэгт зориулан улсаас 100 сая юаны тусламж үзүүлжээ. Эдгээр дүүргүүдэд гамшгаас хамгаалах тусламжийн баг очин ажиллаж байна гэж ССTV мэдээллээ.
О.ӨНӨР